Í dag er Mánudagur 22. janúar 2018
Heim » Innlent » Yngri landslið Íslands » HM U-21 | Tap fyrir Noregi og Ísland í 12. sæti á HM

HM U-21 | Tap fyrir Noregi og Ísland í 12. sæti á HM

ICELANDAIR STYRKIR ÍSLENSKAN HANDOLTA

Liðsmenn Íslands mættu Norðmönnum í dag í leik um 11. sæti á heimsmeistaramóti U-21 landsliða.

Norðmenn voru mun grimmari í þessum leik og lögðu grunninn að sanngjörnum sigri með mjög góðum fyrrihálfleik.

Ísland endar því í 12. sæti á heimsmeistaramóti U-21 landsliða í Alsír.

Lítið var um varnarleik og markvörslu í upphafi leiks, hjá báðum liðum. Eftir 10 mínútur var staðan 7-7. Þá tóku Norðmenn 4-0 kafla á næstu 5 mín og breyttur stöðunni í 7-11. Þá tóku íslensku þjálararnir leikhlé og Einar kom í markið fyrir Viktor.

Einar byrjaði á að verja og skora mark þvert yfir völlinn sem virtist ætla að kveikja aðeins í strákunum okkar. Norðmenn bættu hinsvegar aftur í og voru komnir 5 mörkum yfir á 23. mín 10-15. Þá tók Ísland aftur leikhlé sem virtist bara hafa þveröfug áhrif og Norðmenn bættu áfram í.
Staðan í hálfleik 12-20 eftir vondan fyrri hálfleik.

Seinni hálfleikur var mun jafnari en sá fyrri og Norðmenn augljóslega meðvitaðir um góða forustu. Norðmenn náðu mest 10 marka forustu og Ísland náði aldrei að minnka forskot Norðmanna í minna en 6 mörk. Efrir 40 mínútna leik var staðan 17-25 fyrir Norðmönnum og 20-28 eftir 50 mínútur. Þegar upp var staðið munaði 6 mörkum á liðunum og sanngjarn 27-33 sigur Norðmanna staðreynd.

Ísland hefur nú lokið leik á heimsmeistaramótinu og er 12. sæti staðreynd. Vissulega vonbrigði en liðið ætlaði sér stóra hluti á mótinu.

Skýrsla og markaskorun tekin af vef HSÍ.

Markaskorarar Íslands:
Sigtryggur 6, Elvar 5, Ómar 4, Hákon 3, Kristján 2, Elliði 2, Arnar 1, Óðinn 2, Birkr 1, Einar 1
Markvarsla:
Viktor 2 (15,4%)
Einar 4 (15,4%)

ICELANDAIR STYRKIR ÍSLENSKAN HANDOLTA
Athugasemdir