Í dag er Mánudagur 22. janúar 2018
Heim » Innlent » Yngri landslið Íslands » HM U-19 karla | Annar sigurinn í röð þegar strákarnir sigruðu Chile í dag

HM U-19 karla | Annar sigurinn í röð þegar strákarnir sigruðu Chile í dag

ICELANDAIR STYRKIR ÍSLENSKAN HANDBOLTA

Íslensku strákarnir í U-19 ára landsliðinu unnu sinn annan leik í röð á heimsmeistaramótinu í Georgíu í dag.

Liðið vann Chilemenn 27-22 eftir að staðan hafði verið 12-9 í hálfleik. Leikurinn var jafn fram af en íslenska liðið hafði þó alltaf frumkvæðið og vann að lokum öruggan sigur.

Markvörðurinn Andri Scheving var valin maður leiksins en hann varði 18 skot.
Mörk Íslands:
Teitur Örn Einarsson 10, Orri Freyr Þorkelsson 6, Sveinn José Rivera 3, Örn Östenberg 2, Sveinn Andri Sveinsson 2, Birgir Már Birgisson 2, Kristófer Dagur Sigurðsson 2.Andri Scheving varði 18 skot og Viktor Gísli Hallgrímsson varði 2 skot

Íslenska liðið hóf leik á mótinu í gær með sigri á Japan 26-24 .Teitur Örn Einarsson Selfoss var valin maður leiksins en hann skoraði 10 mörk og átti að auki 7 stoðsendingar. En mestu munaði um stórleik Andra Scheving Haukum í markinu en hann varði 12 skot á síðustu 20 mínútum leiksins.

Mörk Íslands gegn Japan:
Teitur Örn Einarsson 10, Sveinn Andri Sveinsson 3, Birgir Már Birgisson 3, Bjarni Ófeigur Valdimarsson 3, Orri Freyr Þorkelsson 3, Sveinn José Rivera 2, Úlfur Gunnar Kjartansson 1, Darri Aronsson 1.
Viktor Gísli Hallgrímsson varði 8 skot og Andri Scheving varði 12.

Á morgun er frídagur hjá strákunum. Á fimmtudaginn leikur íslenska liðið við heimamenn í Georgíu og hefst leikurinn kl.14.00 að íslenskum tíma. Hann verður sýndur í beinni útsendingu á netinu.

ICELANDAIR STYRKIR ÍSLENSKAN HANDOLTA
Athugasemdir